Yenə Zakirin qəzəli 2

Yenə Zakirin qəzəli 2 Müəllif: Mir Möhsün Nəvvab Tərcüməçilər: Nəsrəddin Qarayev, Əkrəm Bağırov

Mənbə: Nəvvab, Mir Möhsün. Təzkireyi-Nəvvab (PDF). Bakı: Elm. 2018.

Məni bir zülfı-mişkinin qəmi aşüftəhal eylər,

Gətirsə mkhətin badi-səba, dəf’i-məlal eylər.

Qalıbdır bəstəri-möhnətdə dil, vəslin dilər yarın,

Görün bu zə’f talelə necə fıkri-məhal eylər.

Sərasər xəlqi-aləm cümlə müştaqi-cəmalındır,

Göz açmaz kimsə, gün hərçənd izhari-cəmal eylər.

Mən öldüm həsrətindən bir büti-çeşmi-çəhəndazın,

Qətili-tiri-müjgandır, deyin, hər kim sual eylər.

Qılır əğyarlə seyri-çəmən sərvi-sərəfrazım,

Şikəstə Zakiri hər yerdə görsə, payimal eylər.