Yeri (Aşıq Bəsti)

Eyni adda digər əsərlər üçün dəqiqləşdirmə səhifəsinə baxın.

Yeri Müəllif: Aşıq Bəsti

Mənbə: "Azərbaycan aşıq şeirindən seçmələr, İki cilddə, I cild. Bakı, "Şərq-Qərb", 2005" (PDF) (az.). ISBN 9952-418-41-5. 2010-09-23 tarixində arxivləşdirilib (PDF). İstifadə tarixi: 2016-08-06.

Tala-tala ağ buludlar,
Karvan bağla, Löyə yeri.
Sən ağlama, mən ağlaram,
Ağı deyə-deyə yeri.

Acçınqıla çatar ağla,
Düzül qatar-qatar ağla.
Oyanmaz, yar yatar ağla,
Ahım qalxdı göyə, yeri.

Çox ağlar, Bəsti qəribdi,
Fələkdən zülüm görübdü,
Meylini saza veribdi,
Bir də qəmli neyə, yeri.