Zakirin Qəzəli

Təzkireyi-Nəvvab Müəllif: Mir Möhsün Nəvvab Tərcüməçilər: Nəsrəddin Qarayev, Əkrəm Bağırov

Mənbə: Nəvvab, Mir Möhsün. Təzkireyi-Nəvvab (PDF). Bakı: Elm. 2018.

Sənə hər mətləbi məxfi dedim, ey gül, əyan tutdun,

Rəqibi-ziştkarın aşikar eybin nihan tutdun.

Oğurlar dövri-ruyində səfı-zülfün ərəq nəqdin,

Nə pakizə əmin tapdın, nə yaşxı pasiban tutdun.

Keçirdin bitəkəllüm şanədən geysuyi-pürpiçi,

Sənə ənam lazımdır ki, əfsunsuz ilan tutdun.

Kilidi-məxzəni-hüsnü sipahi-cənnə tapşırdın,

Hər iş ki, tutdun aləmdə, elə biimtahan tutdun.

Danışdın qaşü-göz ilə hər yetən naəhlilə, zalım,

Şikəstə Zakiri gördükdə ox çəkdin, kəman tutdun.