Ziyarat

Ziyarat Müəllif: Çorlu Məhəmməd

Mənbə: "Qərbi Azərbaycan aşıqları" (poeziya antologiyası). Azərbaycan Aşıqlar Birliyi. Bakı, "Zərdabi nəşr" MMC, 2023. ISBN 978-9952-571-42-4

Son gəlişdi， gəldim sənə dolandım， öpdüm daşını，
Ellərimin ümid yeri，şöhrəti-şanı Ziyarat.
Saf suyundan içən bilər bu dünyanın səfasını，
Ağbabanın， həm Çıldırın varlığı， canı Ziyarat.

KaloğlanlaAşdıbaba sağında-solunda durur，
Sarp qaya tək zirvədəsən，üzündə-gözündə durur.
Əski türkün tarixisən， ürəyim sevinclə vurur，
Gül-çiçəyin dəniz kimi， yaşıl dörd yanı，Ziyarat.

Məhəmmədəm， özüm kimi Tanrı qulu görməmişəm，
Sənin kimi cah-calallı， qoynu dolu görməmişəm.
Bu yerlərdə səndən uca， səndən ulu görməmişəm，
Bizim bu qəlbi dağların sultanı-xanı Ziyarat.