Göründü (Ordubadlı Kərim)

Eyni adda digər əsərlər üçün dəqiqləşdirmə səhifəsinə baxın.

Göründü Müəllif: Ordubadlı Kərim

Mənbə: Yusif Səfərov (2011). Naxçıvan aşıqları və el şairləri (az). Naxçıvan: "Əcəmi" NPB. 2017-10-05 tarixində arxivləşdirilib. 2017-10-05 tarixində istifadə olunub.

Nagahandan mənim həsrət gözümə
O xubların qibləgahı göründü.
Bulud kimi zülfün tökdü üzünə
Sanasan fələyin mahı göründü.

Yanağı qırmızı laleyi-əhmər,
Başda zərəndamı tir mey i-zivər,
Qaşlarının tağı mehrabi-mənbər,
Aşıqların qibləgahı göründü.